Во текот на ноќта во Дизелдорф, Германија, дојде до голем пожар во кој загинаа три лица, а 16 се повредени.
Како што соопшти полицијата, во киоскот настанал пожар кој се проширил и на станбената зграда. Кога пожарникарите пристигнале на местото, пожарот веќе се префрлил кон првиот кат, жителите биле на балконите, а некои балкони веќе биле полни со чад.
Акцијата за спасување започна веднаш. Три лица се пронајдени мртви, 16 лица се пренесени во неколку болници, а меѓу нив има и неколку чии животи се во опасност.
На местото на настанот имало околу стотина пожарникари.
Во тек е истрага, по што ќе се знаат повеќе информации.
