Medin Nuredini 
Министерството за внатрешни работи изврши линеарно покачување на платата за вработените во бруто износ од 2.470 денари, соопшти МВР.
„Согласно објавениот нов податок за минимална плата, Министерството за внатрешни работи изврши линеарно покачување на платата за вработените во МВР во бруто износ од 2.470 денари и тоа почнувајќи со исплата на плата за месец март 2026“, соопшти МВР.
Од таму додаваат дека во наредниот период, со имплементација на новиот Закон за внатрешни работи, ќе биде разгледана можноста за дополнително покачување на плати за вработените во МВР.
„Министерството за внатрешни работи продолжува да ги подобрува условите за работа и стандардот на македонската полиција, а со тоа и целокупната безбедноста на државата и граѓаните“, се наведува во соопштението.
