Medin Nuredini 
Ѓорѓиевски соопшти дека при проверките биле утврдени сериозни недостатоци, кои, според него, се последица на долгогодишното неодржување и неспроведувањето на неопходните големи сервиси од претходните раководства.
Тој посочи дека бил потребен обемен зафат, поради што жичарата била ставена надвор од употреба, нагласувајќи дека безбедноста на посетителите е приоритет.
Во тек е реконструкција на кабините, а се очекува да пристигне и моторот кој е испратен на репарација во странство.
Градоначалникот најави дека, доколку работите и неопходните безбедносни проверки завршат според планот, жичарата би можела повторно да ги пречека скопјани и посетителите уште следниот месец.
