Medin Nuredini 
На кичевскиот пазар, цената на пиперките за ајвар оваа сезона се движи од 40 до 50 денари за килограм, во зависност од квалитетот и видот. Сепак, трговците велат дека годинава има помал интерес и помалку купувачи во споредба со претходните години.
„Нема доволно продажба, нема ни народ, тие што беа овде се иселени и има многу мала продажба.“, вели еден трговец.
Според нив, главната причина е тешката економска состојба на граѓаните, кои се обидуваат да заштедат дури и на традиционалните зимници.
„Овие малите се 50, тие со килограм се 60 денари. Кичево како Кичево нема многу народ, тие што се – толку се. Многу слабо излегува народот на пазар. Повеќе купуваат по продавници, по маркетите, така што на пазар доаѓаат само во сабота.“
Трговците се надеваат дека со приближувањето на викендот и падот на температурите, ќе се зголеми побарувачката за пиперки и зимници.
Еден тегла ајвар во маркетите чини од 250 до 350 денари, во зависност од видот и компанијата. Граѓаните велат дека за 30 килограми пиперки по 50 денари трошат околу 1.500 денари, а со масло и други производи – вкупно околу 2.500 денари. Со 30 килограми пиперки може да се направат од 10 до 13 тегли ајвар.
TV21
