Претседателот на Туркије, Реџеп Таип Ердоган, говореше на САХА Експо 2024, меѓународен саем за воздухопловна и вселенска индустрија во Истанбул
Турските компании од одбранбената индустрија извезоа производи во рекордни 178 различни земји оваа година, изјави денес турскиот претседател Реџеп Таип Ердоган, јавува Анадолу.
„Само во 2024 година, нашите компании од одбранбената индустрија постигнаа извонреден рекорд со извоз на производи во 178 различни земји“, рече Ердоган на САХА Експо 2024, меѓународен саем за воздухопловна и вселенска индустрија во Истанбул.
Претседателот Ердоган информираше дека за време на настанот ќе бидат потпишани договори во вредност од 6,2 милијарди долари, вклучително и договори за извоз во вредност од 4,6 милијарди долари.
Тој рече дека тоа е „вредно за внимание“.
Турскиот претседател индиректно, осврнувајќи се на терористичкиот напад врз Турскиот комплекс за воздухопловна и вселенска индустрија (ТУСАШ) во Анкара, во кој загинаа пет лица, а повеќе од 20 беа ранети, порача:
„Секој напад насочен кон мирот и безбедноста на нашата земја нема да успее и на крајот ќе ги погоди водачите на терористите кои се хранат со крв.“
AA
