Вооружен маж уби десетмина во супермаркет во Чесапик, во американската сојузна држава Вирџинија, соопшти полицијата.
Човекот најверојатно бил менаџер на продавница, отворил оган, а потоа се самоубил.
Би-Би-Си јавува дека има малку детали, но еден полицаец кажал за повеќе од 10 загинати. Засега не е познат мотивот на нападот.
Нападот се случил во 22:12 часот по локално време. Порпаролот Лео Косински кажа дека веројатно напаѓачот дејствувал сам.
