Делегацијата предводена од премиерот Мицкоски ќе учествува на средбата на лидерите на ЕУ со земјите од Западен Балкан во Њујорк

Делегацијата на Македонија предводена од премиерот Христијан Мицкоски, која учествува на Генералното собрание на Обединетите нации во Њујорк, денеска се очекува да присуствува на средбата на лидерите на Европската Унија и Западен Балкан.

Со средбата претседава високата претставничка на ЕУ за надворешна политика и безбедност, Каја Калас.

Во пресрет на средбата, премиерот Мицкоски повика на вклучување на претставници на ЕУ, со цел подобрување на дијалогот за разликите со Бугарија.

Премиерот Мицкоски, исто така, информираше дека од ЕУ пристигнуваат позитивни сигнали, особено по самитот на ЕУ и земјите од Западен Балкан во Тиват, каде што Германија и Франција излегоа со иницијатива за реформи во процесот на проширување.