Medin Nuredini 
- Во Србија, за Вучиќ, кој „бара начин да избегне влегување во трката за премиерската функција“ на претстојните избори, изгледа се затвори еден важен пат.
Губењето на изборите од страна на неговиот „стар пријател“, кој слично како и него долги години е на власт, е против ЕУ и во последниот период, исто како него, се приближи кон Израел, ќе му задава главоболки на Вучиќ во блиска иднина.
Во период кога тој тврди дека воената соработка Загреб–Тирана–Приштина претставува закана за нив, земајќи ја предвид и „неизвесноста околу Трамп“, останува прашање каква политика ќе води Вучиќ од утре? Бидејќи истиот тој Вучиќ досега беше пофалуван за „балансираниот танц“ меѓу ЕУ и Русија. Вучиќ останува единствен сојузник на Русија во регионот по Орбан.
- Падот на Орбан претставува голема загуба и за ВМРО-ДПМНЕ и Мицкоски во Северна Македонија, кои ја имаат најсилната поддршка во историјата и можноста речиси самостојно да формираат влада. Дополнително, фактот што поранешниот претседател на партијата и поранешен премиер на земјата, Груевски, е бегалец во Унгарија, ја прави ситуацијата уште покомплицирана.
Иако актуелната влада во Македонија би можела да овозможи враќање на поранешниот премиер во земјата, очигледно е дека тоа враќање би ги раздвижило внатрепартиските баланси.
Иако поминаа 2 години од изборите – и покрај глобалната криза и војната со Иран – не е постигнат посакуваниот напредок ниту во економијата ниту во европската интеграција на земјата. Голем дел од кредитот од 1 милијарда евра земен од Унгарија е искористен за отплата на долгови, во надворешната политика – со исклучок на неколку земји – не се воспоставени ефективни односи, во внатрешната политика се занемаруваат правата на малцинствата, а последно, поразот на Орбан ќе го „разгори и апетитот“ на опозицијата во земјата.
Што е со односите со Турција!? Оние кои ќе изгубија еден силен и важен сојузник во регионот и кои ќе се соочат со борба за опстанок, оставајќи ги на страна своите „каприци“, ќе ги зголемат своите „барања“ кон Турција, која води „рационална“ и „балансирана“ надворешна политика, на чело со одбранбената индустрија.
