Medin Nuredini 
Пад на женско лице во провалија под Цареви Кули утрово предизвикал итна реакција на струмичките пожарникари, кои спровеле сложена спасувачка акција на локалитетот „Црвен Дол“.
Според информациите објавени на Фејсбук страницата на ТППЕ Струмица, интервенцијата се одвивала на исклучително тежок и непристапен терен. Во акцијата учествувале шест пожарникари-спасители со две теренски противпожарни возила.
„Во акцијата беше користена алпинистичка опрема и носила за безбедно извлекување на повреденото лице. По успешно спроведената акција, лицето беше извлечено и предадено на екипа на Итна медицинска помош“, информираат од Пожарникари – Струмица.
На местото на настанот присутни биле и екипи на МВР Струмица.
TV21
