Medin Nuredini 
Претседателката Гордана Сиљановска Давкова информираше дека заедно со децата од градинките „Весели цветови“ и „Срничка“ од Скопје, учениците од скопските основни училишта „Кузман Шапкарев“ и „Кузман Јосифовски Питу“ и децата и претставниците на Здружението за образование и истражување „Несил“ ја проследиле свечената церемонија на менување на државното знаме.
„Младите посетители покажаа интерес за мојата работа, ме прашаа: Какво е чувството да се биде првата жена претседателка на државава? Дали е потешко да се биде претседателка или професорка? Како тече еден мој работен ден? Љубопитните гости пројавија желба да ги дознаат моите лични афинитети, како и интересните спомени од младоста, истакна претседателката во својата Фејсбук објава.
Сиљановска Давкова додаде и дека ги охрабрила децата да го ценат знаењето и да учат, оти тоа им носи самодоверба и успех.
