Medin Nuredini 
Академската фела предупредува дека Грција се соочува со сè посериозен недостиг на вода, а најкритична е ситуацијата, според нив, во Атина и околните области.
Проблемот со сушата во земјата значително се влоши во споредба со минатата година бидејќи резервите вода продолжуваат да се намалуваат.
Атина, каде што живее речиси половина од населението на Грција, доживува посебен притисок бидејќи нивото на водата во езерото Морнос, главен извор на вода во градот, значително се намали.
Аматерскиот фотограф Панајотиос Панајотопулос рече дека го фотографира езерото Морнос од 2000 година и дека е сведок на промените на езерото низ годините.
Панајотопулос рече дека во раните години само неколку покриви од куќи биле видливи над езерото, но сега, поради сушата, поголем дел од селото повторно се појавил од водата.
