Medin Nuredini 
Надлежните служби во Министерството за внатрешни работи во контакт со соодветните полициски служби во Италија, интензивно работат на подготвување на нов билатерален договор за реципрочно признавање на возачките дозволи во двете земји, изјави Стефан Димоски, портпарол на Секторот за внатрешни работи-Охрид.
Димоски за МИА вели дека претходниот договор е веќе ставен ад акта и се очекува во што е можно побрз рок новиот договор да биде целосно усогласен и потпишан од страна на ресорните министри на двете земји.
Новиот договор следува по големиот интерес, но и проблемите со кои се соочуваат печалбарите во Италија.
„Навистина сме на мака, може да управуваме возила со дозволи издадени од Република Македонија, но не и со оние кои се издадени под Република Северна Македонија, доколку во рок од една година, откако стануваме резиденти во земјата, не направиме промена од македонска во италијанска. Тоа не може да го направиме бидејќи за тоа нема нов билатерален договор“, велат печалбари за МИА.
Според нив македонските граѓани кои транзитираат низ Италија немаат никаков проблем да ги користат возачките дозволи, но проблемот настанува кога ќе аплицираат за престој.
Skopjeinfo
