Лионел Меси по трет пат во кариерата ја доби наградата на ФИФА за најдобар светски фудбалер. Наградата се доделува од 2016 година, а Меси со третиот триумф стана рекордер и зад себе ги остави двојните победници Кристијано Роналдо и Роберт Левандовски.
Во овој избор гласаат селекторите на репрезентациите, капитените и новинарите.
Капитенот на Македонија, Стефан Ристовски на првото место го стави Меси, на второто Лука Модриќ, а на третото сонародникот на Меси Хулијан Алварез.
Селекторот Благоjа Милевски се определи за Меси, Килијан Мбапе и Карим Бензема./Makfax
