Еден од клучните членови на кабинетот на поранешниот американски претседател Доналд Трамп, Ники Хејли, ќе се кандидира за претседател на САД од редовите на републиканците во 2024 година, објави денеска „Би-Би-Си“.
Хејли, која две години беше амбасадор на Трамп во Обединетите нации, рече дека официјално ќе ја објави својата кандидатура на 15 февруари.
Трамп во ноември изјави дека се залага за неговиот нов избор за Белата куќа и досега тој е единствениот сериозен кандидат кој изјави дека дефинитивно е во игра.
Хејли (51) се претстави како дел од новата генерација републикански лидери.
Хејли, според анкетата на „Морнинг Консалт“, има просек од само три отсто во републиканските прелиминарни анкети за претседателските избори во 2024 година, зад Трамп со 48 отсто, гувернерот на Флорида Рон ДеСантис со 31 отсто и потпретседателот на Трамп, Мајк Пенс, исто така со едноцифрена бројка.
Пред да се приклучи на администрацијата на Трамп, Хејли помина шест години како гувернер на Јужна Каролина, а во 2016 година, кога Трамп ја освои претседателската функција, таа ги поддржа сенаторите Тед Круз и Марко Рубио на републиканските прелиминарни избори.
