Шведска од денеска го презема европретседавањето. Во наредните шест месеци Стокхолм ќе претседава со Советот на ЕУ и ќе има клучна лидерска и посредничка улога во Унијата.
„Шведска го презема претседавањето во време кога Унијата се соочува со историски предизвици“, рече неодамна премиерот Улф Кристерсон. Безбедноста, отпорноста, просперитетот и демократските вредности и владеењето на правото ќе бидат четирите приоритети на шведското европретседателство.
„Примарната задача на нашето претседателство ќе биде да помогнеме во осигурувањето на безбедноста на Европа. Така, системски ќе помагаме на Украина, но и на тој начин, во сè понебезбедниот свет, ќе ја нагласуваме геополитичката важност на ЕУ“, рече Кристерсон.
Шведска денеска го презеде претседавањето со Советот на ЕУ од Чешка, а на 1 јули функцијата ќе и ја предаде на Шпанија.
