Алијанса за Албанците до Државната комисија за спречување на корупција поднесе пријава за сомневање за корупција против Назим Буши, Заменик министер за внатрешни работи. Пријавата е поднесена во врска со престојот на Назим Буши во луксузен хотел во Истанбул во октомври 2020 година, престој вреден десетици илјади евра. Откако излезе во јавноста оваа информација, заменик министерот тврдеше дека овој износ е платен од непознати лица. Од Алијанса за Албанците велат дека и да е така, ова претставува подарок што е во спротивност со позитивните прописи, односно дека функционер не може да добива толку скапи подароци.
