Припадниците на нашата дијаспора повеќе нема да мора да лутаат по ходниците низ институциите за време на нивниот престој во матичната држава.
Во 23 општини во државата ќе бидат отворени Канцеларии за дијаспората.
Истите ќе имаат посредничка улога и би служеле како центри во кои на припадниците од дијаспората им се овозможува и олеснува пристапот до потребните информации и добивање дополнителни насоки за соодветните постапки пред надлежните институции.
Општина Штип денес го потпиша Договорот за соработка во кој гледаат можност за полесно и побрзо остварување на одредени права за граѓаните кои живеат надвор од границите на државата.
Инаку, проектот е дел од Националната стратегија за дијаспора на Владата.
