Социјалната платформа Твитер го ограничи пристапот до содржината на профилот на рускиот претседател Владимир Путин, објави Гардијан. Ограничен е и пристапот до уште 300 сметки на руски претставници.
Твитер најави нови мерки против профилите на руската влада за да се намали ширењето на руската официјална пропаганда на социјалните мрежи, пренесе АФП. Официјалните сметки повеќе нема да им се „препорачуваат“ на корисниците на Твитер во која било категорија на страницата или апликацијата, вклучително и пребарувањето.
Компанијата со седиште во Калифорнија веќе ги блокира сметките на руските медиуми РТ и Спутник во ЕУ. Москва одговори со ограничување на пристапот до Твитер во Русија.
„Нема да го олесниме ширењето на пораки од официјалните сметки на земјите кои го блокираат слободниот пристап до информации и се вклучени во вооружени меѓудржавни конфликти, без разлика дали Twitter е блокиран во таа земја или не“, соопшти компанијата. „Кога владата го блокира или ограничува пристапот до дигиталните услуги, но продолжува да ги користи тие услуги за сопствена комуникација, тоа создава сериозен дисбаланс“, додава социјалната мрежа.
