Јутјуберот Џејк Пол понуди да организира боксерски меч меѓу Вил Смит и Крис Роко, откако добитникот на Оскар му удри шлаканица на комичарот за време на доделувањето на наградите.
Смит му удри шлаканица на Роко, откако тој се пошегува на сметка на неговата сопруга.
Популарниот Џејк Пол, професионален боксер, брзо реагираше на социјалните мрежи.
Тој на Твитер напиша дека има 15 милиони долари за Вил Смит и уште толку за Крис Роко, а за датум за боксерскиот меч, го предложи месецот август.
