Кинескиот Специјален административен регион Хонг Конг од 1 април ќе ја укине забраната за летови за патници од САД, Канада, Велика Британија, Франција, Австралија, Индија, Пакистан, Филипини и Непал.
Извршниот директор Кери Лам на прес-конференција изјави дека покрај укинување на забраната за летови, периодот на карантин за патниците кои пристигнуваат од странство ќе се намали од 14 на 7 дена. Соодветно на тоа, патниците кои ќе имаат негативен тест на 6-от и 7-от ден од карантинот ќе се смета дека го завршиле периодот на изолација.
Лам потсети дека патниците кои доаѓаат од странство требало да ги завршат своите вакцини, да покажат негативен резултат од тестот 48 часа пред да се качат во авионот и да имаат резервирано место во хотелот за карантин.
Наведувајќи дека во петтиот бран на епидемијата е намален бројот на заболени, Лам изјави дека поради оваа причина локалната самоуправа ги разгледува постоечките мерки за сузбивање на епидемијата и доколку продолжи да се намалува бројот на заболени, планираат постепено укинување на сите ограничувања во градот од 21 април.
Истакнувајќи дека бранот на раст на епидемијата е забавен, Лам рече: „Многу експерти се на мислење дека епидемијата го достигна својот врв. Развојот на епидемијата во Хонг Конг е во надолна линија“.
Истакнувајќи дека стапката на саморепликација на вирусот е намалена на 0,5, односно секое заразено лице го пренесува вирусот на помалку од едно лице, Лам ја сподели информацијата дека во тестовите е откриено значително намалување на оптоварувањето на вирусот по лице се врши на земените мостри од градската канализација.
Според соопштението на Центарот за здравствена заштита, во градот во последните 24 часа се откриени 14 илјади 149 случаи на Ковид-19, а починале 246 лица.
Дополнително, евидентирани се уште 41 смртен случај кои не беа пријавени во претходните денови.
Евидентирано е дека 80 отсто од оние кои вчера ги загубиле животите се луѓе кои никогаш не биле вакцинирани или имале ниту една доза вакцина.
Во епидемискиот бран предизвикан од случаите на Омикрон во Хонг Конг со население од приближно 7 милиони, од почетокот на годината се откриени 1 милион 35 илјади 59 случаи, додека починале 5 илјади 683 лица.
