Почина осудениот воен злосторник Ратко Младиќ

Поранешниот командант на Војската на Република Српска и осуден воен злосторник Ратко Младиќ умре во затворската единица во Хаг на 84-годишна возраст, објавија српските медиуми, пренесува Анадолу.

Младиќ, кој долго време беше болен, се криеше од правдата 16 години, а беше уапсен во Србија во 2011 година.

Тој беше осуден од Хашкиот трибунал за геноцид во Сребреница, злосторства против човештвото и воени злосторства извршени за време на војната во Босна и Херцеговина.

Беше прогласен за виновен за злосторствата геноцид (по две точки), злосторства против човештвото (по пет точки) и воени злосторства (по четири точки) што ги извршил во својство на највисок генерал во Војската на Република Српска и со цел создавање на Република Српска.

Ратко Младиќ отслужуваше доживотна казна затвор во Хаг, што му е потврдена со правосилна пресуда во 2021 година.