Medin Nuredini 
Идната сабота почнува полагањето на екстерните испити од државната матура за повеќе од 14.500 матуранти во учебната 2025/2026 година. Според податоците на Државниот испитен центар (ДИЦ), пријавени се вкупно 14.587 ученици, од кои 12.184 за државна матура, 2.276 за државна стручна матура и 127 за државна уметничка матура.
Првиот екстерен испит ќе се полага на 6 јуни од 9 часот, а учениците ќе избираат меѓу странски јазик, математика или историја, во зависност од типот на матурата. Најголем дел од кандидатите – 13.208 – се пријавени за англиски јазик.
Задолжителниот испит по мајчин јазик и литература ќе се полага на 11 и 12 јуни. Македонски јазик ќе полагаат 9.810 ученици, албански 4.199, турски 360, а српски јазик пет кандидати.
Од ДИЦ велат дека подготовките се одвиваат според планираната динамика и дека се обезбедени услови за фер и непречено полагање. За спроведување на испитите ќе бидат ангажирани околу 2.500 тестатори и 200 набљудувачи.
Во просториите каде што ќе се полага матурата ќе биде забрането користење мобилни телефони и други електронски уреди.
