Medin Nuredini 
Дури и по спојувањето на пет политички субјекти во една партија ВЛЕН, остануваат затегнати односите со двајцата функционери – Арбен Фетаи и Фатмир Лимани.
Министерот за добро владеење Арбен Фетаи, како што се наведува, продолжува со патувања во странство, додека Лимани, според политичките оценки, не ги следи насоките на ВЛЕН.
Заменик-премиерот Беким Сали изјави дека реконструкцијата на извршната власт се очекува во средината на јуни, и тоа во повеќе ресори.
„За кадрите кои ќе бидат задолжени за одредени ресори сè уште не сме разговарале, тоа е отворена тема… дали тоа ќе биде министерство во рамки на ВЛЕН е прашање на дискусија, но нема конечна одлука. Ако сите оцениме дека ресорот е соодветен, независно која партија ќе го води, политиките се дефинирани и човечкиот фактор не е клучен за нивна промена.“, рече Беким Сали.
Еден од лидерите на ВЛЕН, Биљал Касами, изјави дека поради односите на Лимани со премиерот Мицкоски, имало бројни телефонски разговори и барања за појаснување од партиските структури.
„Од моментот на самото исклучување на г. Лимани од Левицата БЕСА, а со тоа и од ВЛЕН, тој веќе се исклучи и од Владата како предлог на ВЛЕН. Што ќе се случи понатаму политички, тоа треба да го прашате него… но како што реков, делот на Албанците во Владата ќе продолжи да го претставува ВЛЕН согласно првичниот договор со премиерот“, вели Биљал Касами.
Министерот за социјална политика и демографија Фатмир Лимани изјави дека моментално е „министер на народот“ во рамки на коалициското владеење меѓу ВЛЕН и ВМРО-ДПМНЕ, но не потврди дали ќе остане на функцијата по реконструкцијата.
Лимани во последниот период е виден и во поблиски контакти на настани со претставници на ДУИ.
TV21
