Medin Nuredini 
Во Северна Македонија денеска во 07:00 часот се отворени гласачките места за вториот круг од локалните избори, на кои граѓаните ќе ги изберат градоначалниците на 32 општини и на градот Скопје.
Според Државната изборна комисија (ДИК), право на глас имаат 1.013.375 граѓани.
Гласањето за градоначалници се одвива во Градот Скопје и во општините Аеродром, Боговиње, Брвеница, Валандово, Виница, Дебар, Дебарца, Демир Капија, Карпош, Кичево, Конче, Кочани, Крушево, Куманово, Лозово, Македонска Каменица, Македонски Брод, Могила, Неготино, Пробиштип, Ранковце, Росоман, Струга, Студеничани, Тетово, Центар, Чешиново Облешево, Чучер Сандево, Шуто Оризари, Долнени, Дојран и Зрновци.
На овие избори учествуваа вкупно 22 политички партии, 19 коалиции и 119 групи гласачи и независни кандидати – кои ги вклучуваат првиот и вториот круг.
Првиот круг, одржан на 19 октомври, резултираше со избор на 44 градоначалници и општински совети. Во општина Шуто Оризари, гласањето денес се повторува на три избирачки места за избор на градоначалници и членови на Советот.
Во општините Гостивар, Врапчиште, Центар Жупа и Маврово не беше избран градоначалник во првиот круг поради тоа што не беше постигнат цензусот на излезност од најмалку една третина. Во овие општини ќе започне нова изборна постапка во рок од 60 дена по објавувањето на конечните резултати, согласно Изборниот законик.
Кампањата за вториот круг заврши в петок на полноќ.
Граѓаните своето право на глас ќе можат да го искористат на гласачките места во период од 07:00 до 19:00 часот.
Вчера гласаа затворениците, лицата во домашен притвор, болните и немоќни лица и лицата во домови за старци.
Првичните неофицијални резултати од вториот круг од локалните избори се очекува ДИК да ги соопшти околу 23 часот.
Процесот на гласање на локалните избори ќе го следат 1.598 набљудувачи, од кои 933 странски, 651 меѓународни и 14 странски новинари.
