Medin Nuredini 
„Економската политика е еден од клучните стратешки приоритети на нашата Влада, и изразив уверување дека ние, како институции, сме вистински партнери на компаниите – подготвени да понудиме целосна поддршка и да го олесниме процесот на реализација на нивните деловни планови и идеи.“, истакнал денеска министерот за надворешни работи и надворешна трговија, Тимчо Муцунски на македонско-италијанскиот бизнис форум.
Како што посочи Муцунски, за него претставувало особена чест што денес биле домаќини на македонско-италијанскиот бизнис форум, на кој присуствува и заменик-министерката за надворешни работи и меѓународна соработка на Република Италија, Марија Триподи, и кој претставува практична реализација на иницијативата што, како што вели, ја покренале заедно со неговиот италијански колега, Антонио Тајани.
„Италија е не само значаен економски и политички партнер, туку и наш долгогодишен пријател и поддржувач. Форумот ја отвора вратата за нови можности и поттикнува директна деловна соработка меѓу бизнис-заедниците на двете земји. Нашата заедничка цел е јасна: да изградиме посилна и поперспективна иднина за нашите земји и граѓани. Соработката со Италија е наш стратешки приоритет – таа е осми трговски партнер по обем, а во 2024 година трговската размена достигна речиси 686 милиони евра. Потенцијалот е присутен, а веќе постојат бројни успешни италијански инвестиции во нашата земја, кои ќе продолжиме да ги поддржуваме, истакна Муцунски во својата објава на социјалните мрежи.
Skopjeinfo
