Medin Nuredini 
Октомвриските локални избори во Северна Македонија ја оживуваат политичката агенда во земјата. Иако во македонскиот политички камп не се очекуваат изненадувања во проекциите за резултатите од изборите во мај 2024, дебатите во албанскиот политички камп се сосема динамнични, при што сите дискусии се водат во полето на легитимноста.
Неодамнешната објава на Арбен Таравари, лидерот на Алијансата за Албанците, дека партијата се повлекува од владата, проследена со спротивставени ставови на високите функционери, оставките на некои министри и заменици, но и одбивањето на други да поднесат оставка, ја открива внатрешната хаотичност во партијата. Веќе поделена на две крила (онаа на Зијадин Села и на Арбен Таравари) пред изборите во мај 2024, се чини дека Алијансата за Албанците сега се движи кон нови поделби пред локалните избори.
Во „нормални“ земји каде што има природно функционирање на демократијата, ваквите поделби би ги довеле партиите до „исчезнување“. Меѓутоа, во Македонија, поранешните поделби како оние во движењето Беса и партиите што произлегле од неа, кои сега се дел од власта и дури ја водат една од трите најважни државни функции (претседателството на Собранието), нè поттикнуваат да бидеме „повнимателни“.
Начинот и времето на повлекувањето на Арбен Таравари од коалицијата ВЛЕН (ВРЕДИ), во која неговата партија беше дел од власта пред локалните избори, како и неговата недоволно јасна комуникација со јавноста, го ставија во тешка позиција. Неговиот одговор на сите критики беше „Ќе се видиме во октомври“, кој верувам дека ќе биде нотиран од јавноста. Друга работа што треба да се размисли е „плодноста“ и „мутациите“ во албанските политички партии. Во идните колумни ќе ги истражиме овие феномени кај албанските партии и проекциите по локалните избори, но засега да преминеме на конгресот на ТДП што ќе се одржи овој викенд.
Иако Движењето за турско национално единство (ДНЕТ) е дел од владејачката коалиција на ВМРО-ДПМНЕ, по една година од изборите, турците во земјата сè уште немаат ниту еден висок функционер – ни пратеник, ни заменик-министер. Оваа ситуација со застапеноста на Турците гоп прави конгресот на Турската демократска партија (ТДП), која е најискрената и најорганизирана турска партија, уште позначаен.
Основана на 1 јули 1990 година како Турска демократска унија за заштита на националните и духовни интереси на турците во Македонија, а подоцна преименувана во Турска демократска партија (ТДП) на 27 јуни 1992 година на вонредниот втор конгрес во Скопје, ТДП во недела ќе одржи важен конгрес на кој ќе бидат избрани нов претседател и ново раководство.
На конгресот во недела, за претседател на ТДП ќе се натпреваруваат:
Зулфикар Зејнула (член на Извршниот одбор на ТДП и поранешен в.д. директор на Управата за заштита и спасување)
Ердал Ахмеди (генерален секретар на ТДП)
Мухитин Кахвеџи (поранешен советник на премиерот и долгогодишен претседател на огранокот на ТДП во Гостивар)
Иако според македонскиот веб-портал 24info.mk, Зулфикар Зејнула е фаворит, очигледно е дека го очекува жестока конкуренција со Ердал Ахмеди, кој се смета за кандидат на традиционалното крило во ТДП. Инсајдерските информации велат дека Мухитин Кахвеџи, чиј реон (Гостивар) е место ТДП добива најмногу гласови, би можел да го поддржи кандидатот кој би му овозможил министерска или заменик-министерска позиција во една можна нова влада.
Без разлика кој кандидат ќе го изберат делегатите на конгресот во недела, не е тешко да се предвиди дека ТДП ќе започне преговори за приклучување кон владејачкото мнозинство веќе во понеделник. Не знам дали недела ќе биде крај на една ера за турците во Македонија, но сигурно е дека ќе биде почеток на нова.
Ако не дојде до големо изненадување, сегашниот претседател на ТДП и пратеник, д-р Бејџан Илјас, ќе ја предаде функцијата. Иако не се согласувам и критикувам многу негови ставови и однесувања, сакам да му се заблагодарам што, и покрај притисоците од партијата и надвор од неа, никогаш не ги затвораше комуникациските канали и секогаш ми пристапуваше искрено како новинар.
Посакувам конгресот во недела да помине достоинствено за турците во Македонија и да донесе добрина за целото семејство на ТДП и сите турци во Македонија.
За поделбите во рамки на турците во Македонија и ТДП, за грешките направени и за тоа како не се стигна до овие лоши денови за еден ден – ќе разговараме во идните колумни…
