Синоќа ситуацијата беше ужасна. Маркова Река имаше нанос на големи количини вода и на некои места се излеа и навлезе во неколку дворови и куќи. Околу десетина куќи беа поплавени, но, за среќа, немаме поголеми штети или човечки жртви.
Од Центарот за управување со кризи истакнаа дека се поплавени улици, дворови, куќи, магацини и индустриски објекти во скопските села Љубош, Студеничани, Батинци и во делови на населбата Пинтија.
Градоначалникот на Студеничани, Азем Садики, во изјавата за новинарите рече дека синоќа состојбата во селото Батинци била ужасна, со штети во дворовите и во внатрешноста на куќите, но немало човечки жртви.
„Синоќа ситуацијата беше ужасна. Маркова Река имаше нанос на големи количини вода и на некои места се излеа и навлезе во неколку дворови и куќи. Околу десетина куќи беа поплавени, но, за среќа, немаме поголеми штети или човечки жртви“, рече Садики.
Тој нагласи дека екипите на општинските служби, како поддршка на приватните компании, почнале да работат за спречување на натамошно излевање на реката. Садики истакна дека успеале да ја стабилизираат состојбата и дека во моментов нивото на реката е намалено во однос на синоќа.
Садики рече и дека по расчистувањето на штетите од синоќешните наноси на вода ќе биде потребен проект за регулирање на коритото на Маркова Река за селата покрај реката во иднина да не бидат подложени на слични штети.
Утрово АМСМ утрово информираше дека непроодни се одредени патишта, како локалниот пат од село Горно Лисиче кон Долно Лисиче и влезот на селото Батинци.
Од Македонски железници соопштија дека железничкиот патнички и товарен сообраќај од поплавените подрачја е пренасочен.
Од УХМР известуваат дека според утринските податоци од хидролошките станици низ земјата, водостоите на сите реки се многу високи и се очекува оваа тенденција да продолжи и во текот на денешниот ден.
AA
