Пратеникот Салих Мурат оствари средба со заменик-министерот за национална одбрана на Република Турција, Муса Хејбет и придружната делегација која е во официјална посета на Република Северна Македонија.
Во текот на разговорот беа разменети мислења за билатералните односи помеѓу двете пријателски држави и беше констатирано дека соработката е одлична во сите области, а особено во сферата на одбраната, каде што партнерството е на највисоко ниво веќе со децении.
Како пратеник, Мурати ја истакна подготвеноста на неговата пратеничка група и на Собранието во целост, да придонесе кон понатамошно унапредување на веќе воспоставените добри односи, преку разгледување и поддршка на законските решенија кои ја зајакнуваат соработката во областа на одбраната и безбедноста.
Мурати посебно ја нагласи значајната улога и придонесот на турската заедница во градењето на пријателските односи меѓу двете земји. Притоа, ги сподели и актуелните предизвици со кои се соочуваат граѓаните од турската заедница, како и неговите заложби за нивно надминување, со цел остварување на целосна и ефективна интеграција на заедницата во сите општествени сфери, согласно Уставот и законите.
Извор: Собрание на РМК
