Министерството за надворешни работи на Република Бугарија изразува длабоко разочарување и остро ги осудува најновите изјави на премиерот на Република Северна Македонија, г. Христијан Мицкоски. Овие изјави, според бугарската страна, ја искривуваат реалноста и ги поткопуваат напорите за добрососедски односи и европска интеграција.
Во соопштението се нагласува дека прашањето за правата на Бугарите во Северна Македонија не е билатерален спор, туку прашање што се однесува на европските вредности и стандарди. Напредокот во евроинтеграциите, според Бугарија, е можен само доколку Северна Македонија целосно го спроведе Европскиот консензус договорен од Советот на ЕУ во 2022 година, кој вклучува и измени на македонскиот Устав.
Бугарското МНР потсетува дека голем број граѓани на Северна Македонија стекнале бугарско државјанство, прифаќајќи бугарски корени и идентитет.
На крај, Министерството ги повикува македонските власти да се воздржат од реторика што создава поделби и омраза и да се фокусираат на исполнување на критериумите за членство во ЕУ, вклучително и заштитата на правата на сите етнички заедници во земјата. Бугарија смета дека само преку искрен дијалог и взаемна почит е можен заеднички напредок во рамките на обединета Европа.
Alsat
