Во акцијата на Петто одделение за криминалистички истраги и Третото основно јавно обвинителство од Србија денеска се уапсени три лица за инцидентот на сплавот „Фристајлер“ на новогодишната ноќ.
Според Курир, меѓу уапсените е и еден грчки државјанин.
Уапсени се управителот, директорот и сопственикот на сплавот, пренесува Телеграф.
Тие се соочуваат со казна затвор од 1 до 8 години.
„Фристајлер“ почнал да тоне неколку минути по полноќ по пристигнувањето во 2023 година.
Сплавот бил регистриран за 220 луѓе, а на новогодишната ноќ, како што неофицијално дознава Курир.рс , имало најмалку 400 луѓе, се претпоставува дека биле 500, а можеби и 600.
