Од СДСМ најавија дека платите и пензиите повторно ќе растат, а 2023 г. ќе биде подобра од претходната.
„Благодарение на навремените и ефикасни мерки преземени од Владата предводена од СДСМ, успеавме да го заштитиме животниот стандард на граѓаните и да им помогнеме на компаниите.
Во оваа, 2023 година, успешните економски мерки и политики ќе продолжат, 2023 година ќе бде година на економски пресврт, во која платите и пензиите ќе продолжат да растат.
Веќе во март месец, следува покачување на пензиите помеѓу шест и седум отсто за сите 330.000 пензионери“, изјави портпаролот на СДСМ Богданка Кузеска на прес конференција во седиштето на владејачката партија.
„Создадени се услови за ново зголемување на минималната плата за 10 отсто со што таа ќе изнесува безмалку 20.000 денари. Тоа ќе придонесе за усогласување, односно раст на платите во сите сектори“, додава Кузеска.
