Нафтено поле со резерви од околу 150 милиони барели е откриено на југоистокот на Турција, во провинцијата Ширнак, соопшти турскиот претседател Таип Ердоган по денеска одржаната владина седница.
„Откривме 150 милиони барели нафтени резерви околу планината Габар. Ова е едно од десетте најголеми наоѓалишта откриени годинава на копно. Вредноста на резервите достигнува околу 12 милијарди долари“, рече Ердоган.
Ердоган претходно денеска изјави дека Турција има намера да произведува околу сто илјади барели нафта дневно, без да прецизира од кои наоѓалишта.
