Директорот на Железници на Република Северна Македонија, Мајан Вејсели, оствари средба со генералниот директор на Државните железници на Република Турција, Уфук Јалчин.
Вејсели на својот профил на социјалните мрежи сподели за средбата: „Денеска имав чест да се сретнам со генералниот директор на Турски железници, г.Уфук Јалчин“, напиша тој.
Вејсели додаде: „Многу скоро се очекува од железници на Република Турција да се снабдеме со воз за превоз на патници, кој ќе го пуштиме во употреба на линијата Скопје – Тетово – Гостивар – Кичево“, изјави тој.
Вејсели изјави дека на средбата се разговарало за следните теми:
– обезбедување на две локомотиви (донација или изнајмување)
– поправка на некои локомотиви
– Истанбул – Солун – Скопје и обратно проект за превоз на патници.
