Општина Могила на предлог на градоначалникот Драганчо Саботковски ќе им доделува финансиска помош од 3000 денари и пакет училишен прибор за секое прваче во општината.
„Овој проект, има за цел да им овозможи финансискa помош на сите семејства кои годинава имаат прваче, воедно ќе обезбедиме помош и прибор за сите деца чии родители се приматели на социјална помош и за сите деца со попреченост кои учат во основните училишта во нашата општина“, изјави градоначалникот Драганчо Саботковски.
Саботковски вели дека обезбедувањето поквалитетно образование за сите деца е еден од приоритети на општина Могила.
