Израелското Министерство за одбрана соопшти дека учеството на вежбата „Африкански лав 2022“ во Мароко е „дополнителен чекор во зајакнувањето на безбедносните односи меѓу земјите“.
Израелски воени набљудувачи ќе учествуваат на воена вежба во Мароко што ќе започне оваа недела. На маневрите ќе учествуваат и американски сили, се наведува во соопштението.
Тоа е првпат Израел да учествува на меѓународна воена вежба во Мароко.
Минатата година мароканската антитерористичка единица учествуваше на мултинационална вежба во Израел.
Мароко е четвртата арапска земја што се согласи да ги нормализира односите со Израел во 2020 година, откако тоа го сторија Обединетите Арапски Емирати, Бахреин и Судан.
