септември 22, 2024

Подољак му одговори на Песков со условите на Киев за продолжување на преговорите во Украина

Советникот на шефот на кабинетот на украинскиот претседател, Михаил Подољак, синоќа го претстави списокот со барања за продолжување на преговорите со Русија, откако портпаролот на Кремљ, Дмитриј Песков во текот на денот изјави дека за да се постигне мир, Киев ќе мора да ги прифати руските барања, вклучително и признавањето на Крим како руска територија и отстапувањето на регионите Доњецк и Луганск.

Подољак на својот Твитер профил изјави дека украинските услови се итен прекин на огнот, повлекување на руските војници од Украина, враќање на киднапираните граѓани, екстрадиција на воени злосторници, механизам за репарации и признавање на суверените права на Украина.

„Руската страна добро ги знае нашите услови. Шефот на Песков не треба да се грижи: ќе дојде време кога ќе ги поправиме на хартија“, нагласи тој.

Read Previous

Државниот врв со јасно дефиниран став за европскиот предлог, опозицијата не го прифаќа

Read Next

Три жртви и тројца во критична состојба по пукањето во трговскиот центар во Копенхаген