Косовскиот државен врв се поклони пред Меморијалниот комплекс „Адем Јашари“ во Преказ кај Скендерај, на вториот ден од манифестацијата Епопеја на Ослободителната војска на Косово. Претседателката Вјоса Османи рече дека е жално што сè уште нема правда за масакрите и геноцидот од страна на Србија.
“Тука сме за да се потсетиме на жртвувањето на семејството Јашари на чело со легендарниот командант Адем Јашари. Беа нападнати во нивните домови каде огромното мнозинство од членовите на семејството беа убиени заедно со жени и деца што покажува дека ова е еден од најужасните масакри извршени од геноцидниот режим на Србија за кој за жал сè уште нема правда. Покрај нашиот повик за правда, секогаш ќе имаме постојан водич за храброста и пожртвуваноста на семејството Јашари“, изјави Вјоса Османи, претседателка на Косово
Претседателот на Собранието, Глаук Коњуфца рече дека пожртвуваноста на семејството Јашари го потресло светот и демократскиот свет.
„Токму овој момент кога жртвата се враќа во Епопеја дури и кога целата нација е мобилизирана и стана ОВК, момент кој не само што ја претвори целата нација во војска, подготвена да го даде својот живот, туку таа всушност се жртвуваше. Тоа го потресе целиот свет, го раздвижи демократскиот свет и ја активираше меѓународната заедница да верува во нашата праведна кауза“, рече Глаук Коњуфца, спикер на Собрание на Косово
Премиерот Албин Курти наведе дека ОВК водела војна во одбрана.
„Ослободителната војска на Косово водеше одбранбена војна и нашата правда и вистина не можат да се отуѓат ниту од искривувањата, ниту од негирањата, геноцидот на Србија на Косово сè уште има отворени рани“, речеАлбин Курти- премиер на Косово
