Сообраќајот на државните патишта се одвива непречено по суви коловози со умерен интензитетот на патните правци надвор од градските средини. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.
Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. Поради асфалтирање на коловозот собраќајот на патниот правец А1К1 Прилеп – Ленишки мост до 20 септември ќе се одвива наизменично по една коловозна лента, за што е поставена соодветна сообраќајна сигнализација.
