November 16, 2026

Мицкоски се сретна со претставник на ЕК задолжен за проширувањето, во фокус европската перспектива на државата

Премиерот на Северна Македонија, Христијан Мицкоски, во Брисел оствари средба со генералниот директор за проширување и источно соседство при Европската комисија (ЕК), Герт Јан Копман.

Како што објави на социјалните мрежи Мицкоски, во фокусот на разговорите биле европската перспектива на земјата, напредокот во реформските процеси и следните чекори во пристапувањето кон Европската Унија (ЕУ).

„Нашата определба за членство во Европската Унија е јасна и недвосмислена. Македонија заслужува европска иднина, заснована на принципиелни односи, почитување и заштита на националните интереси, како и доследно спроведување на реформите во интерес на граѓаните“, изјави тој.

Тој нагласи дека земјата продолжува со спроведување на реформската агенда, одговорна политика и работа за остварување на визијата за европска, стабилна и просперитетна Северна Македонија.

Мицкоски се наоѓа во Брисел, каде што ќе учествува на Форумот за проширување на ЕУ.

Read Previous

Семејното насилство не стивнува: 15 пријави за едно деноноќие низ државата

Read Next

Косово ја забранува трговијата со електрична енергија со српски компании