Medin Nuredini 
Бугарскиот премиер Румен Радев пристигна во Музејот на византиската култура во Солун, каде што се одвиваше постапката за предавање на посмртните останки на Цар Самоил, пренесува бугарската агенција БГНЕС.
Го пречека неговиот грчки домаќин Киријакос Мицотакис, а во нивно присуство, двајцата министри за култура потпишале протокол за предавање на посмртните останки на средновековниот владетел.
Од своја страна, Бугарија ѝ предава на Грција 48 предмети, главно црковни прибори од неколку манастири во Егејска Македонија, кои биле спасени од бугарските научници за време на Првата светска војна.
„Денес воспоставуваме многу длабока врска со Бугарија, која не е само културна. Враќањето на важен црковен сад создава нови мостови на комуникација“, рекол Мицотакис кој му се заблагодарил на својот бугарски колега Румен Радев.
Грчкиот премиер рекол дека 48-те предмети, кои бугарската страна ги стекнала во 1917 година за време на Првата светска војна од митрополиите Сер и Негрита, се од големо значење за духовниот и емоционалниот живот на неговата земја.
„За возврат, Атина ја исполнува својата историска должност со враќањето на посмртните останки на Цар Самоил, кои биле пронајдени во базиликата ‘Свети Ахил’. Тие се чувани со децении од страна на грчката влада“, рекол Мицотакис.
Тој потсетил дека преговорите за враќање на Цар Самоил почнале уште во 1970-тите, во времето на Константинос Караманлис и Тодор Живков.
„Потребно било време за да се надминат предизвиците од минатото. Нашата соработка сега започнува. Ова е првата фаза за враќање на други реликвии од Бугарија“, рекол Мицотакис.
Грчкиот премиер рекол дека 48-те предмети, кои бугарската страна ги стекнала во 1917 година за време на Првата светска војна од митрополиите Сер и Негрита, се од големо значење за духовниот и емоционалниот живот на неговата земја.
По пренесувањето на посмртните останки на Цар Самоил, тие ќе бидат пренесени во Софија, каде што се очекува свечена церемонија на плоштадот „Принц Александар I Батенберг“, по што ќе следи поворка до црквата „Света Софија“. Таму, посмртните останки на Цар Самоил ќе го најдат своето вечно почивалиште.
Посмртните останки на Цар Самоил ги открил професорот Николаос Муцопулос во базиликата „Свети Ахил“ во 1969 година. Тој открил четири саркофази. Само еден од нив содржел недопрен скелет. Антрополошките студии идентификувале постар маж од околу 70 години, со карактеристични траги од удар на левата рака. Во гробот биле пронајдени и остатоци од богата ткаенина и фин оклоп. Целокупноста на археолошкиот контекст, антрополошките податоци и историските информации е основа за неговата идентификација како Цар Самоил.
