13-годишник претепан со безбол-палки и избоден со нож во Чаир – се бори за живот

Тринаесетгодишно дете се бори за живот, откако било избодено со нож во тепачка на улицата „Македонско-косовска бригада“ во скопски Чаир, дознава Телма ТВ.

Според болнички извори на Телма, детето било во исклучително тешка здравствена состојба.

Во инцидентот учествувале пет лица – четворица малолетници и едно полнолетно лице, посочиле за Телма извори од Министерството за внатрешни работи (МВР), а во тепачката биле употребени ножеви и безбол-палки.

Еден од малолетниците, роден 2012 година, признал дека користел нож, но целосната форензика треба да покаже дали токму со него му биле нанесени тешките повреди на 13-годишното дете. Неговиот брат, роден во 2007 година, одбивал да даде исказ.

Полицијата го расчистува случајот и ги утврдува улогите на сите учесници во инцидентот.