Пратеник во Бугарија сам си напишал заканувачко писмо за да добие државно обезбедување

Бугарски народен претставник во 2015 година самиот си испратил заканувачко писмо со цел да добие официјална заштита од државните служби. Овој фрапантен случај го откри криминалистот Иван Савов за време на гостување во емисија на „Нова телевизија“, каде што се дебатираше за реформите во безбедносните служби и обезбедувањето на функционерите.

Според Савов, ваквиот чин е пример за злоупотреба на државните ресурси, посочувајќи дека Националната служба за безбедност (НСО) во Бугарија честопати се ставала во улога на „слуга“ на политичарите наместо да ги исполнува своите професионални задачи.

Експертот за безбедност, проф. Николај Радулов, исто така изнесе остри критики за функционирањето на оваа служба, истакнувајќи дека таа е „преоптоварена со дополнителни и несоодветни обврски“.