Medin Nuredini 
Премиерот Христијан Мицкоски денеска оствари средба со претседателот на Црна Гора, Јаков Милатовиќ, при што двата лидери разговараа за продлабочување на билатералната соработка и регионалната стабилност.
Посетата, како што истакна Мицкоски, претставува значаен чекор во зајакнувањето на пријателските односи меѓу двете земји. На средбата биле отворени теми за економската и политичката соработка, како и за европските перспективи кои ги делат двете држави.
„Продолжуваме да градиме мостови на пријателство, стабилност и заеднички напредок“, порача премиерот, нагласувајќи ја важноста на партнерството и дијалогот за развој на регионалната соработка.
Средбата е дел од постојаните напори на Владата да ги продлабочи односите со соседните земји и да ја унапреди соработката во различни сфери од интерес за граѓаните.
TV21
