Medin Nuredini 
Министерот за надворешни работи и надворешна трговија, Тимчо Муцунски денеска го отвори Македонско-Словачкиот бизнис форум, што се одржа во Скопје и на кој присуствуваа голем број домашни и словачки компании.
Муцунски во објавата на Фејсбук посветена на овој настан, истакна дека Владата останува цврсто посветена на поддршка на бизнис-заедницата преку дипломатската мрежа, институциите за промоција на инвестиции и механизмите за олеснување на трговијата, со цел идентификување нови можности и отстранување на административните пречки.
„Истакнав дека форумот претставува потврда не само на политичката блискост меѓу двете држави, туку и на заедничката верба во силата на економското партнерство и додадов силните политички односи мора да бидат придружени со силни економски темели“, сподели министерот.
Инаку, во рамки на форумот беше потпишан и Меморандум за соработка меѓу Агенцијата за странски инвестиции и промоција и словачката агенција SARIO, со што се отвора дополнителен простор за директна институционална соработка и заедничка промоција на економските потенцијали.
Skopjeinfo
