Судењето за ПУЛС може да ги чини граѓаните и до 40 милиони евра

Адвокатот Петре Шилегов на денешното рочиште истакна дека тековната судска постапка за пожарот во „Пулс“ е финансиски многу скапа за државата.

Тој појасни дека еден ден судење чини околу 150.000 евра, што според него укажува на неекономичност на постапката, особено кога дел од обвинетите, како седумтемина полициски службеници, не можат законски да бидат гонети за тешките дела против општата сигурност.

Шилегов побара Јавното обвинителство да ги преиспита наводите во обвинението и да ја запре постапката за дел од обвинетите, за да се избегне дополнително трошење на јавни средства.

На неговиот предлог се приклучија и бранителите на другите обвинети, потенцирајќи дека непрецизните обвиненија создаваат дополнителни трошоци за државата и го одолговлекуваат судењето.

TV21