Medin Nuredini 
Демократската Партија на Турците на Македонија (ДПТМ) соопшти дека официјално ја поднела кандидатурата на Аријан Ибраим, за градоначалник на Општина Центар Жупа пред Државната изборна комисија, во пресрет на повторените локални избори што ќе се одржат на 11 јануари во четири општини.
Од партијата наведуваат дека Центар Жупа со години е средина во која вложуваат труд, доверба и посветеност, а кандидатот Аријан Ибраим, како што посочуваат, ја стекнал и зацврстил поддршката на граѓаните преку својата работа и пристап.
„Уверени сме дека и на овие избори ќе продолжиме по истиот пат, со истата одлучност и посветеност“, стои во соопштението. ДПТМ изразува очекување дека на 11 јануари ќе има поголема излезност и посилна поддршка, додавајќи дека веруваат во повторна победа на Центар Жупа.
Партијата му посакува успех на кандидатот и на општинската организација и наведува дека очекува голема победа постигната заедно со народот на Центар Жупа.
