Medin Nuredini 
Чамец што превезувал група мигранти се преврте рано утринава во реката Сава во близина на Славонски Брод во Хрватска. Според првичните информации, на чамецот имало 13 лица. Досега, 10 се извлечени од водата, едно лице почина, а едно е на интензивна нега.
„Полицијата реагираше веднаш откако добивме информација за инцидентот околу пет часот наутро. Заедно со други служби, им притрчавме на помош на жртвите. Неколку лица беа извлечени од водата, едно за жал почина, додека другото е на реанимација. Другите беа хипотермични и префрлени во болница“, изјави портпаролката на полицијата, Ката Нујиќ.
Повредените се пренесени во Општата болница „Д-р Јосип Бенчевиќ“ во Славонски Брод.
„Примивме 11 лица за кои моментално се грижат. Повеќе информации за нивната здравствена состојба ќе бидат познати по медицинскиот третман“, изјави директорот на болницата, д-р Јосип Самарџиќ, за порталот Инфопикс.
За време на пребарувањето беше користен дрон, а навигацијата по реката Сава во зоната на пребарување беше привремено прекината.
