Зимското сметање на времето оваа година доаѓа порано отколку во претходните години

Зимското сметање на времето започнува ноќта помеѓу саботата и неделата, на 25-ти и 26-ти октомври, кога во 3 часот наутро часовниците се враќаат еден час назад – на 2 часот.

Она што е посебно за оваа година е што менувањето на часовникот се случува порано отколку во претходните години.

Последниот пат кога се забележа толку ранен датум за преминување на зимско сметање на времето беше пред повеќе од една деценија.

Иако деновите се уште се топли, есента полека се чувствува – ноќите стануваат постудени, а дневните часови очигледно се скратуваат. Преминот на зимско сметање на времето носи дополнителен час сон, но и промена во дневната рутина.

Зимското сметање на времето секогаш започнува последната недела од октомври, а датумот варира бидејќи последната недела од месецот не паѓа секогаш на истиот ден. Оваа година, тој датум е меѓу најраните во последните десет години.

TV21