Голем пожар во болница во Атина

Пожар избувна во болницата „Сотирија“ во грчката престолнина – Атина утрово. Засега нема информации за повредени.

30 пожарникари со 12 возила, вклучувајќи специјално возило со рампа и скали, учествуваат во гаснењето на пожарот, објави „Катимерини“.

Пожарот избувна на првиот кат од одделот за патологија, кој беше евакуиран како превентивна мерка, објавува порталот „Та неа“.

Според информациите од противпожарната служба, нема извештаи за некој заробен во болницата.

Причината за пожарот сè уште не е утврдена.