Веста ја потврди министерот за здравство на Северна Македонија, Арбен Таравари, при посетата на Здравствениот дом во Липково.
Веста ја потврди министерот за здравство на Северна Македонија, Арбен Таравари, кој при посетата на Здравствениот дом во Липково рече дека утрово ја добил информацијата дека починал пациентот, кој беше еден од 116 пациенти пратени на лекување во странство.
„За жал, утрово ја добив лошата вест дека во Литванија почина пациентот што беше еден од четворицата пациенти во најкритична состојба“, рече Таравари.
Министерот потврди дека починатиот пациент е 35-годишниот Александар Карадакоски, управител на дискотеката.
Во раните утрински часови на 16 март избувна страшен пожар во дискотеката „Пулс“ во Кочани од користената пиротехника, во кој таа вечер загинаа 59 лица, а над 170 беа повредени.
Потоа е утврдено дека таа работела без валидна лиценца.
Истражни постапки се започнати против најмалку 34 лица, меѓу кои и управителот Карадакоски. Истражна постапка се води и за поранешниот министер за економија Крешник Бектеши, на кој му е одреден и 30-дневен притвор.
По трагедијата оставка поднесе градоначалникот на Општина Кочани, Љупчо Папазов.
AA
